第一次只帶妹妹出街

郭昱星期五下晝自己除左件褸，搞到自己病。
星期六朝早睇完醫生，同佢講昱昱今日冇得出街，因為昱昱自己整病自己，爸爸，媽媽同妹妹出街玩，昱昱留係屋企。昱昱話:"唔要2個人係屋企(仲有姐姐)，我掛住妹妹吖嘛！"
最後返到屋企，好快同媽媽瞓左覺。之後爸爸媽媽同妹妹出發(媽媽同昱昱瞓覺前已經講多次昱昱冇得出街)。
去完朋友屋企，返到去問姐姐，話昱昱起身之後喊，話掛住妹妹!希望昱昱真係鍾意妹妹，同錫佢啦！

昱昱幫全屋人改名

昱昱依家幫全屋人改左佢最鍾意既卡通入面既名，有Sergeant Murphy 爸爸，Lowly媽媽， Huckle昱昱，Miss Honey Susan 姐姐(工人姐姐)，同Fire Engine妹妹(妹妹好慘，係死物……)
昱昱真係好叻:
1.用瘦蜢蜢既蟲黎叫媽媽。
2.今晚昱昱叫“Lowly媽媽”，媽媽應佢，昱昱話“Lowly唔識講野嫁”(Lowly係條蟲，故事入面冇講野)，真係串得好中!簡直係叫嚕囌阿媽收聲既最佳方法! — feeling happy

姐姐無褲着 (22M1W)

昱爸日記
自從睇完小忌廉後，由於小忌廉條裙太短，郭昱話"姐姐無褲着" 。跟住就日日都講"姐姐無褲着"，見到搬運工人有着衫又講，又不停將所有老師個名加上去，最勁係"爺爺睇書，姐姐無褲着"。

人生中第一堂洗腦課 (21M4W)

昱爸執教的第一堂洗腦課：
爸：昱昱，第日有人讚你靚仔，你記住話...似爸爸
爸：昱，你似邊個呀？
昱：似媽媽
爸：唔係呀，係似爸爸。你似邊個話？
昱：似爸爸....似媽媽
如是者, 爸爸問了數分鐘, 直至昱昱答案剩下"似爸爸" ...
爸: 好, 洗腦成功!

咖啡姨姨 (20M2W)

昱爸日記:

尋日食晚飯，昱昱對住零食講"咖啡姨姨"，我地望左好耐，先知佢講kathy 姨姨，原來佢見到kathy 姨姨比既零食，星期六先同佢講係kathy 姨姨送，竟然會記得

大個仔（19M4W）

昱爸日記
郭昱做左2件事，令我覺得佢又大個左：
1：尋日去玩具鋪，一見到車仔，好開心咁全部比晒我，仲拎住一架話「媽媽」，即係話要買比媽媽，奸仔!仲對扭旦機好有興趣添。
2：今日激嬲媽媽，死都唔道歉，最後係張床喊到瞓左，小朋友咁。