Bedtime stories (20M3W)

每晚, 昱昱都要我說好幾個故事才肯去睡.

這陣子最受歡迎的是'米米'. 講完米米, 還要'虎虎' (即維尼,跳跳虎系列).

然而，媽媽是個很容易睡著的人, 被爸爸形容為'拔插蘇'.

就像昨晚說到'虎虎'時,已不敵睡魔, 講到一半不自覺到睡著了, 

是昱昱'哄'在我面上說'虎虎'，我才醒過來, 又說了幾句....

如是者, 昱大概叫醒了我3次, 但故事還是一直沒有說完........

矇矓中, 有時難免亂說情節, 有次聽到自已說到: '然後, 佢就死咗嘞!' 

自已即扎醒了（童話故事大概沒有’死’這回事吧）, 立刻看看昱昱, 幸好'睡著了'，

對於一個會'拔插蘇'的媽媽來說, 要哄小孩比自已先睡著, 是很大的挑戰啊!

咖啡姨姨 (20M2W)

昱爸日記:

尋日食晚飯，昱昱對住零食講"咖啡姨姨"，我地望左好耐，先知佢講kathy 姨姨，原來佢見到kathy 姨姨比既零食，星期六先同佢講係kathy 姨姨送，竟然會記得

9月定80 (20M2W)

經朋友 FB推介, 今早在YOUTUBE看了一套BBC'THE NINE MONTHS THAT MADE YOU'的紀錄片, 對於我這個近來常想著孩子"倔強性格從何來"的媽媽來說, 實在有趣, 或許提供了一個可能性的解釋. 自孩子出生而來, 我已否定了3歲定80的說法, 因為孩子的性格, 早就已經表露無遺. 昱昱近日的倔強, 令我覺得很難處理. 對於一般朋友而言, 看著昱的外表, 大家都不能想像到他的強烈倔強表現. 昨晚光是要他擦牙, 軟硬兼施,又錫又氹,半小時都不肯就範, 結果還是要強行捉著擦才行. 今早的反思是: 莫非在我懷孕的9個月裡, 都有著這顆倔強的心? 是因為工作的不如意造成的? 是因為潛藏性格所致使的? 要好好想想, 為下一個孩子做好'心理'和'生理'的準備.

NOTE: YOUTUBE SEARCH : "BBC NINE MONTHS THAT MADE YOU"

詩 (20M2W)

上兩週，經幼潛導師郭EE指導，可開始嘗試教導昱昱古詩．我們就從靜夜思開始，每句的尾字開始讓他唸．已經開展兩週，大概可唸到每句尾１－２字．

今早臨出門，把CD播給他聽，看見他忙錄在書箱找書，也不回頭給個飛吻，臨出門口回頭望，他坐下來，手上拿著那本古詩書在找那個靜夜思的'叔叔'．希望他的學習熱情可以一直持續下去－終生學習！

花花帎頭 20M1W)

最近昱昱總是與花花、咪咪、Bobby形影不離，昨日還將貓頭鷹加入大隊，又起名「佩珊」！

昱昱玩食字又一例子（20M1W）

昱昱玩食字又一例子：
爸爸：昱昱，Pinky（兔仔）的鬚係邊度？
昱昱：（指著）係呢度！
爸爸：咁佢（兔仔）叫咩名呀？
昱昱：佩珊！
然後偷偷望著媽媽暗笑！
繼而與媽媽一起卡卡笑！

電梯 (20M)

幾乎每朝早都係昱少最愛睇圖咭的時間，今日看到Let's play outside這份咭時
媽：What's this？
昱：（咬字唔正地說）Slide
昱：（忽然興奮地）電梯！
媽：儍豬，呢個係sir滑梯呀！
昱：NoNo...電梯！電梯！電梯...
媽：又比你聯想到！
但這個小朋友條頸真係好硬！

大個仔（19M4W）

昱爸日記
郭昱做左2件事，令我覺得佢又大個左：
1：尋日去玩具鋪，一見到車仔，好開心咁全部比晒我，仲拎住一架話「媽媽」，即係話要買比媽媽，奸仔!仲對扭旦機好有興趣添。
2：今日激嬲媽媽，死都唔道歉，最後係張床喊到瞓左，小朋友咁。