姐姐與媽媽

今早聽到兩位在職媽媽在巴士上的對話：
A：我個仔一起身，就拿住張被去揾姐姐（工人）
B：我個正一衰仔嚟架，第一句叫嘅係「姐姐」，得閒比姐姐摸下個頭就好開心，比我鬧走去揾姐姐
A：唔開心都係揾姐姐！
B：仲衰呀，姐姐入廚房做野，佢就担埋櫈仔去廚房門口坐，又好乖架咁坐喎
A：我嗰個一樣
B：我老公仲慘，番嚟唔比抱，一抱就喊，唔抱又喊，唔理佢喊得再大聲啲，死未！

希望郭昱唔會咁啦！

早上出門

郭昱真的很會逗媽媽開心，不知那個早上開始，他總要媽媽抱抱，摸摸頭仔才願說拜拜讓媽媽出門口。今早如是，走來抱著我雙腳還把頭倚著說：媽媽！媽媽當然冧爆。爸爸說：昱昱：咁爸爸呢？昱昱應道：back！指示爸爸放回地氈。可憐的爸爸唯有失望出門去。